Thirrje për aplikim për pjesëmarrje

 

 

 

 

 

 

 

 

 

 

 

 

 

 

Workshop

Njeriu i ri në materialet filmike të diktaturës
(1958-1990)

30 mars‒11 maj 2018

 

IDMC fton të gjithë të rinjtë e interesuar në analizën e personazheve të filmave të diktaturës të bëhen pjesë e workshop-eve për filmat. Qëllimi i këtyre workshop-eve është të paraqesë tek të rinjtë ndërtimin e periudhës komuniste në filmat e prodhuar në shqip, në vitet 1958-1990, për të kuptuar më mirë jetën në komunizëm dhe ideologjinë komuniste. Propaganda komuniste ndikonte në jetën e njeriut përmes të gjitha kanaleve të mundshme dhe për të rinjtë është e rëndësishme të kuptojnë sesi u krijuan stereotipet dhe si mund të ishte jeta e tyre po të kishin lindur dhe jetuar në diktaturë.

Secili workshop zgjat 2 orë, 17:00–19:00, dhe do të ketë në fokus një temë të veçantë diskutimi, si më poshtë:

• Heroi

Data: 30 mars            Vendi: Hotel Opera, Tiranë

• Tjetri/Armiku

Data: 27 prill             Vendi: Hotel Opera, Tiranë

• Gruaja – model/shembull

Data: 4 maj                Vendi: Hotel Opera Tiranë

• Të rinjtë

Data: 11 maj              Vendi: Hotel Opera, Tiranë

 

Kriteret:

1. Të rinjtë duhet t'i shohin paraprakisht filmat e takimit që dëshirojnë të marrin pjesë.
   Lista e filmave do t'u dërgohet vetëm të përzgjedhurve përmes email-it.
2. Pjesëmarrësit duhet të jenë në gjendje ta ndjekin të plotë workshop-in.
3. Gatishmëri për pjesëmarrje aktive në diskutim

 

Workshop-i ofrohet në gjuhën shqipe dhe është pa pagesë.

Vetëm pjesëmarrësit që dëshirojnë dhe kanë mundësi t'i ndjekin të gjitha workshop-et do të pajisen me certifikatë.

 

Të interesuarit të dërgojnë email me subjektin "Filmat_data/datat e workshopit" që duan të ndjekin" në office@idmc.al.

• CV
• Letër të shkurtër motivimi, ku ndër të tjera të përcaktojnë se cilin takim duan të ndjekin.

 

** Afati i aplikimeve është 25 mars për workshop-in e datës 30 mars dhe 15 prill për workshop-et e tjera.

 

Drejtuese workshop-i: Linda Mëniku, pedagoge në Departamentin e Gjuhësisë, Fakulteti i Historisë dhe i Filologjisë, e specializuar në gjuhësinë e tekstit dhe analizën e diskursit.