Netët e Letërsisë Austriake
#TiranaLexon Letërsi Austriake
23‒25 MAJ 2018, TIRANË
Në kuadër të vitit kulturor Austri–Shqipëri, Instituti për Demokraci, Media dhe Kulturë (IDMC)
në bashkëpunim me Ambasadën Austriake sjellin për publikun "mik" të librit,
"Netët e Letërsisë Austriake"
tri netë leximesh nga autorë të njohur austriakë.
Në datat 23–25 Maj 2018, në sallën Gëte, te Teatri Eksperimental, nga ora 18:00 deri në 20:00 do të zhvillohen biseda dhe lexime me autorët e njohur austriakë Andrea Grill, Klemens Renoldner dhe Christina Maria Landerl. Në të tria netët, autorët do të diskutojnë rreth qyteteve, kulturave nga vijnë, dilemave ekzistenciale dhe tematikave të ndryshme të përditshmërisë që janë aktuale edhe sot në shoqërinë tonë.
Ky aktivitet synon shkëmbimin e kulturave mes dy vendeve, Austri dhe Shqipëri. E veçanta e tij, ndër të tjera, lidhet me faktin që autorët pjesëmarrës kanë përzgjedhur materiale të cilat do t'i ndajnë me publikun në gjuhën e tyre origjinale. Vlen të theksohet këtu që Andrea Grill, një prej autorëve pjesëmarrëse në këtë aktivitet, e kupton dhe e flet mirë gjuhën tonë shqipe.
Krah tyre nuk do të mungojnë as autorët e njohur shqiptarë si Agron Tufa, Jonila Godole, Lazër Stani, dhe Agim Baçi.
Gjatë tri netëve, nën "magjinë" e librave, autorët do të lexojnë fragmente nga veprat e tyre, por dhe vepra të përzgjedhura të autorëve të njohur austriakë: përmendim këtu autorin "mit" , Stefan Zweig. Pjesë nga veprat e tij do të ndahen me publikun pjesëmarrës nga Klemens Renoldner, që është njëkohësisht edhe drejtor i Qendrës Stefan Zweig në Universitetin e Salzburgut.
Në këtë aktivitet publiku nuk do të jetë thjesht prezent, pasi risia këtë vit është "Kuarteti i Leximit", ku pjesëmarrësit së bashku me autorët do të mund të diskutojnë rreth veprave të njohura të letërsisë klasike dhe bashkëkohore, të cilat prekin tematika aktuale të ditëve të sotme. Moderimi do të bëhet nga emra jo pak të njohur në fushën e letërsisë dhe të publicistikës shqiptare, si Marsela Likaj, Lili Sula, dhe Alda Bardhyli.
Theksojmë se "Netët e Letërsisë Austriake 2018" organizohen nga IDMC në kuadër të nismës disavjeçare #TiranaLexon, në mbështetje të Raiffeisen Bank dhe Ambasadës Austriake.
Programi:
DITA 1
DITA 2
DITA 3
Vendi: Salla Gëte, Teatri Eksperimental "Kujtim Spahivogli", Tiranë
18:00 – 18:15
Fjalët përshëndetëse
Dr. Jonila Godole, Drejtore Ekzekutive e Institutit për Demokraci, Media dhe Kulturë (IDMC)
Dr. Johann Sattler, Ambasador i Austrisë në Tiranë
18:15 – 19:00
Letërsia austriake në ditët e sotme
Forum me autorë austriakë e shqiptarë:
Klemens Renoldner, Andrea Grill, Christina Maria Landerl, Jonila Godole, Agron Tufa
19:15 – 20:00
Lexim dhe bisedë me autorin Klemens Renoldner
Moderator:
Marsela Lika
E mërkurë, 23 maj
Vendi: Salla Gëte, Teatri Eksperimental "Kujtim Spahivogli", Tiranë
18:00 – 18:45
Lexim dhe bisedë me autoren Andrea Grill
Moderator:
Lazër Stani
19:00 – 20:00
Kuarteti Letrar: #TiranaLexon Letërsi Austriake!
Prezantim dhe diskutim mbi katër libra të letërsisë austriake nga:
Agim Baçi (Stefan Zweig – Bukinisti Mendel), Jonila Godole (Rainer Maria Rilke – Elegji Duine), Alda Bardhyli (Elfride Jelinek – Dashnoret), Lili Sula (Andrea Grill - Qaj e Qesh)
E enjte, 24 maj
Vendi: Salla Gëte, Teatri Eksperimental "Kujtim Spahivogli", Tiranë
18:00 – 18:45
Lexim dhe bisedë me autoren Christina Maria Landerl
Moderator:
Edlira Agolli
19:00 – 20:00
Stefan Zweig në peizazhin shqiptar të leximit
Klemens Renoldner, Drejtor i "Qendrës Stefan Zweig" në Salzburg diskuton me autorin dhe kritikun letrar shqiptar Agim Baçi
20:00
Koktej te holli i teatrit
E premte, 25 maj
Organizator:
Instituti për Demokraci, Media dhe Kulturë
Partnerë:
Ambasada Austriake
Raiffeisen Bank
Edicioni II
TIRANA LEXON
29‒30 SHTATOR 2016, TIRANË
<
>
29–30 shtator 2016, Tiranë – Tirana lexon 2016 erdhi si maratonë leximi për herë të dytë në kryeqytet në kuadrin e TILF (Tirana Literature Festival) dhe u organizua nga IDMC (Instituti për Demokraci, Media dhe Kulturë) me mbështetjen e Ministrisë së Kulturës dhe Fondacionit Konrad Adenauer. Aktiviteti çeli siparin më datë 29 shtator me aktivitetin "Letërsia si vend kujtese", duke i paraprirë leximeve me gazetarë e shkrimtarë në Ditën Botërore të Përkthimit më 30 shtator.
Për dy ditë me radhë, Tirana lexon 2016 mblodhi në disa skena kulturore dashamirës të librit dhe shkrimtarë e përkthyes të njohur shqiptarë, të cilët lexuan nga librat e tyre të preferuar dhe përcollën emocionet e procesit të të shkruarit. Për ta bërë sa më të aksesueshëm nga publiku i gjerë, leximet u zhvilluan në ambiente publike si "Galeria Zenit" "Qendra Rinore e Tiranës", "Friend's Book House", "Hemingway", "E për7shme" dhe "Biblioteka Kombëtare".
Kryebashkiaku i Tiranës Erion Veliaj ishte i pari që hapi serinë e leximeve, me një pjesë nga romani "Kronikë në gur" i Ismail Kadaresë. Arta Marku zgjodhi të lexonte pjesë nga "Zjarret e vjeshtës", të shkrimtares Irene Nemirovsky. Ben Andoni zgjodhi pjesë nga libri në shqip i shkrimtarit të njohur grek Niko Kazanzaqi, ndërsa Alda Bardhyli pjesë nga romani i shkrimtarit Veton Surroi, "Përcaktimi i dashurisë së Marie Gjonit". Alfred Lela zgjodhi poezi spanjolle nën përkthimin e Aurel Plasarit.
Përgjatë dy ditëve, të gjithë të ftuarit e tjerë dhe të rinjtë e pranishëm lexuan pasazhe nga më të ndryshmet. Në kuadër të Letërsia si vend kujtese, Departamenti i Letërsisë në Universitetin e Tiranës organizoi takimin "Lexojmë Kasëm Trebeshinën", me pjesëmarrëse Anila Mullahin dhe moderatore Lili Sulan. Të pranishmit Ylljet Aliçka dhe Vera Bekteshi diskuan për "Letërsinë si vend kujtese" dhe lexuan pjesë që dëshmonin për periudhën e diktaturës në Shqipëri. E pranishme në këtë takim ishte edhe ministrja e Kulturës Mirela Kumbaro.
Në ditën e dytë, në këtë maratonë leximesh u shkëmbyen mendime mbi librin dixhital, përmes një diskutimi të moderuar nga gazetarët Beti Njuma dhe Agim Baçi, të cilëve iu bashkuan dhe ideatorja e VolumiAudioLibra.com, Violeta Volumi, dhe drejtuesi i faqes bukinist.al, Albert Gjoka. Në Tirana lexon 2016 nuk munguan as orët kushtuar Ditës Botërore të Përkthimit, nën diskutimin e Diana Kastratit dhe Edmond Tupjas. Leximeve iu bashkuan edhe dy moderatorët e njohur të "Top Channel", Eno Popi dhe Isli Islami. Shtëpia botuese "Saras" u bë pjesë e Tirana lexon me prezantimin e romanit më të ri të Mustafa Nanos. Përpara të rinjve, z. Nano lexoi një pasazh nga libri dhe iu bashkua një bisede mbi raportin e tij të hershëm me letërsinë dhe të shkruarit.
IDMC shpreh mirënjohje ndaj të gjithë atyre që morën pjesë në këtë aktivitet, veçanërisht:
Mirela Kumbaro, Erion Veliaj, Alfred Lela, Arta Marku, Alda Bardhyli, Ben Andoni, Ylljet Aliçka, Vera Bekteshi, Krenar Zejno, Beti Njuma, Agim Baçi, Blendi Salaj, Violeta Volumi, Albert Gjoka, Mustafa Nano, Eno Popi, Isli Islami, Edmond Tupja, Diana Kastrati, Redjan Mulla, Eljan Tanini, Elona Çuliq, Lisiana Demiraj, Arti Lushi dhe Gerhard Pregapuca.
PROGRAMI:
DITA 1
DITA 2
9:00 – 10:00
Ceremonia e hapjes – Diskutim dhe lexime
Vendi: Galeria "Zenit"
LIBRA PA BESTSELLER-APPEAL (S)KANË SHANS?!
Erion Veliaj, Kryetar i Bashkisë së Tiranës
Arta Marku, TVSH
Alda Bardhyli, Gazeta Shqip
Ben Andoni, Gazeta Shqiptare
Alfred Lela (Moderator), Gazeta Mapo
LETËRSIA SI VEND KUJTESE
PJESA I: LETËRSI E NDALUAR – TIRANA LEXON KASËM TREBESHINËN
10:00 – 12:30
Diskutime në panel
Fjalë përshëndetëse
Dr. Jonila Godole, IDMC
Prof. As. Lili Sula, Departmenti i Letërsisë, UT
VENDI I KASËM TREBESHINËS NË LETËRSINË SHQIPTARE
Dr. Anila Mullahi, Departamenti i Letërsisë, UT
Prof. As. Lili Sula, Departamenti i Letërsisë, UT
12:30 – 14:00
Drekë dhe shkëmbim idesh
14:00 – 16:30
Workshop me studentët e letërsisë
LETËRSIA DISIDENTE NË MEDIAN SHQIPTARE PARA DHE PAS VITEVE '90
Moderator: Saimir Muzhaka, Gazetar, Shkrimtar
PJESA II: LETËRSIA SI VEND KUJTESE
18:00 – 20:30
Diskutime dhe lexime
Fjalë përshëndetëse
Dr. Jonila Godole, IDMC
Prof. Mirela Kumbaro Furxhi, Ministre e Kulturës
AUTOBIOGRAFITË SI BURIM PËR TË NJOHUR DHE KUPTUAR TË SHKUARËN
Vera Bekteshi, Shkrimtare (ish-e persekutuar)
Maks Velo, Shkrimtar (ish-i persekutuar)
Ylljet Aliçka, Shkrimtar dhe regjisor
Moderatorë: Dr. Jonila Godole & Krenar Zejno, Shkrimtar, Përkthyes
20:30
Darkë
E enjte, 29 shtator
9:30 – 10:30
Diskutim në panel dhe lexime
Vendi: Qendra Rinore Tiranë
HOW MY READING CHANGED OVER TIME – E-BOOKS
Beti Njuma, Top Channel TV, bashkideatore e rubrikës në Facebook "Mbi libra"
Violeta Volumi, ideatore e volumiaudiolibra.com, ku librat dëgjohen dhe nuk lexohen
Albert Gjoka, platforma e librit online bukinist.al
Agim Baçi (Moderator), kritik letrar
Lexime nga panelistët dhe të ftuarit
12:00 – 13:00
Lexime publike
Vendi: "Friend's Book House"
I ftuar special:
Mustafa Nano, i cili do të lexojë pjesë nga libri i tij. Pjesëmarrësit lexojnë pjesë të zgjedhura nga vetë ata.
Alda Bardhyli (Moderatore), revista letrare "Saras"
16:00 – 17:00
Lexime publike
Vendi: "Hemingway"
Të ftuar specialë, shkrimtarë të rinj:
Elona Çuliq, Arti Lushi, Gerhard Pregapuca, Lisiana F. Demiraj do të lexojnë pjesë nga librat e tyre. Pas tyre, pjesëmarrësit do të lexojnë pjesë të zgjedhura.
Eljan Tanini (Moderator), gazetar, autor
17:30 – 18:30
Lexime publike
Vendi: "E për7shme"
Të ftuar specialë:
Eno Popi dhe Isli Islami (gazetarë në Top Channel TV) do të lexojnë bashkë me të pranishmit.
19:00 – 10:30
Diskutim në panel dhe lexime
Vendi: Biblioteka Kombëtare
NO JOKE! HUMORI NË LETËRSINË E PËRKTHYER
30 Shtatori njihet si Dita Ndërkombëtare e Përkthimit - Data e vdekjes së Shën Jeronimit, i cili përktheu Biblën në gjuhën latine. Përgjatë kësaj dite, në mbarë botën organizohen takime dhe aktivitete të ndryshme që kanë lajtmotiv artin e përkthimit dhe përkthyesin.
Bisedë me përkthyesit:
Edmond Tupja dhe Diana Kastrati
Blendi Salaj (Moderator), Club FM-TV
E premte, 30 shtator
Organizator:
Instituti për Demokraci, Media dhe Kulturë
Partnerë:
Fondacioni Konrad Adenauer
Ministria e Kulturës
2018
2016
© 2015‒2018 Instituti për Demokraci, Media dhe Kulturë
